香港區代表選拔賽｜TCR 女子組及公開組決賽頒獎禮

TCR 女子組及公開組地區決賽喺上周六順利完成！
 
女子組方面，香港少女賽車手 Keiko Wong 先拔頭籌，領先好姊妹 Cythia Lok 奪冠。值得一讚，Joyce Kwok 喺今屆賽事發揮穩定，成功收穫季軍席次。
 
公開組方面，「圈速王」Jactin Chung 繼續發揮精湛技術，成功衛冕奪冠。值得一提新進選手 Royce Yu 僅練習三個幾月脫穎而出勇奪亞軍，力壓對手 Ho Siu Hin。另外，見到 Ho Siu Hin 喺今次比賽中表現有顯著進步，最後獲得季軍，順利登上頒獎台。
 
恭喜 Keiko 同 Jactin 分別成功奪得「挑戰者盃」總決賽席位，將會同另外 11 個地區代表爭奪賽事最高榮耀！
 
另外，特別鳴謝以下贊助商送出豐富禮品及香港賽車手詹家圖百忙中抽空蒞臨頒獎！