賽車競賽世界總決賽 – 賽後感想

奧運虛擬系列賽終於正式落幕,雖然做唔到世一,但 Boss 表示自己表現算係合格以上,超額完成,可謂「勝不驕,敗不餒」。

 

Boss 話今次起 Race 1 排位賽覺得格外緊張,比平時練習嘅時間差一段距離,有少少失手,不過佢知道自己嘅排位時間係能夠爭取到中上游位置起步。到正賽時,Boss 三場都係較尾位置起步,頭 8 選手競爭能力太勁,高手雲集,然後慢慢甩開中、尾車群,而 Boss 每次都係後段搏晒命追番上中上位置完成每場賽事。

 

Boss 再次表示今次比賽增加唔少經驗,知道出面天外有天,定必會好好鍛練,裝備自己,望以出戰下屆比賽!